Rydym yma i'ch helpu i ddeall y broses asesu. Mae hwn yn lle da i ddechrau os ydych yn chwilio am atebion i'ch cwestiynau.

Gallwch hefyd gysylltu â'n llinell ymholiadau cwsmeriaid ar 0800 072 0226. 

Os bydd angen, bydd Rheolwr Cysylltiadau Cwsmeriaid yn hapus i'ch ffonio yn ôl o ddydd Llun i ddydd Gwener rhwng 9am a 5pm.

Gwybodaeth Gyffredinol Cwynion Cwestiynau Cyffredin wyneb yn wyneb Cwestiynau Cyffredin Asesiadau ffôn Cwestiynau Cyffredin Fideo

Gwybodaeth Gyffredinol

    A gaf i weld copi o'm Hadroddiad Asesiad?

    Gallwch weld yr adroddiad wedi'i gwblhau gan y Gweithiwr Gofal Iechyd Proffesiynol ar ôl iddo gael ei anfon at yr Adran Gwaith a Phensiynau (DWP).

    Os ydych chi eisiau copi, gallwch ffonio swyddfa’r DWP sy'n gofalu am eich cais. Gellir dod o hyd i'r rhif ffôn ar gyfer swyddfa'r DWP ar y llythyrau rydych wedi'u derbyn ganddynt am eich cais am fudd-dal.

    A yw'r Gwasanaeth Ymgynghorol Asesiad Iechyd yn penderfynu ar fy nghais budd-daliadau?

    Na. Mae'r Adran Gwaith a Phensiynau (DWP) yn gwneud y penderfyniad ar eich cais am fudd-daliadau. 

    Beth sy'n digwydd os na allaf ddod i'm hapwyntiad asesiad?

    Mae'r Adran Gwaith a Phensiynau (DWP) yn caniatáu i chi aildrefnu'r apwyntiad unwaith. Os oes angen i chi aildrefnu eich apwyntiad ESA, ffoniwch ein llinell Ymholiadau cyn diwrnod eich apwyntiad ar 0800 072 0226.

    Beth os oes angen cyfieithydd arnaf?

    Rhowch wybod i ni cyn gynted â phosibl ar 0800 072 0226. Gall perthynas neu ffrind fod yn bresennol yn eich asesiad ffôn i gyfieithu ar eich rhan, ond rhaid iddynt fod yn 16 oed neu'n hŷn.

    A gaf i gymryd nodiadau yn ystod fy apwyntiad asesiad?

    Gallwch chi neu'ch cynrychiolydd gymryd nodiadau yn ystod asesiad. Bydd y nodiadau ar gyfer eich defnydd preifat yn unig. Ni fyddwn yn eu hanfon at yr Adran Gwaith a Phensiynau gyda'r adroddiad meddygol. Bydd y Gweithiwr Gofal Iechyd Proffesiynol yn cofnodi yn yr adroddiad meddygol bod nodiadau wedi'u cymryd. Byddant hefyd yn egluro nad yw'r nodiadau yn gofnod swyddogol o'r asesiad.

    A allaf ddod â chydymaith i'm hasesiad?

    Gallwch ddod â ffrind, aelod o'r teulu, gweithiwr cymorth neu unrhyw un sy'n eich adnabod yn dda. Rhaid iddynt fod yn 16 oed o leiaf. Efallai y byddant yn gallu siarad ar eich rhan ac yn gallu cynnig cymorth defnyddiol, fodd bynnag, bydd yr asesiad yn canolbwyntio arnoch chi a'r atebion a roddwch.

    Peidiwch â dod â phlant gyda chi i'ch asesiad. Os oes gennych blant ac na allwch wneud trefniadau gofal plant, cysylltwch â ni ar unwaith gan ddefnyddio'r manylion cyswllt yn eich llythyr apwyntiad fel y gallant drafod y ffordd orau o gynnal eich asesiad.

    Pa gymwysterau a phrofiad sydd gan Weithwyr Gofal Iechyd Proffesiynol?

    Mae'n rhaid i'n Gweithwyr Gofal Iechyd Proffesiynol gael eu cofrestru gyda'u corff llywodraethu proffesiynol priodol:

    Ar gyfer meddygon, Cyngor Meddygol Cyffredinol (GMC) yw hwn. Rhaid iddynt fod ar y Rhestr o Ymarferwyr Meddygol Cofrestredig a bod â thrwydded gyfredol i ymarfer, ond nid o reidrwydd ar y rhestr meddygon teulu neu;

    A allaf ganslo fy apwyntiad os nad wyf yn teimlo'n dda ar y diwrnod?

    Gallwch, ond rhowch gymaint o rybudd ag y gallwch os oes angen i chi ganslo. Byddwn yn trefnu apwyntiad arall i chi. Sylwch mai dim ond unwaith y gallwn aildrefnu eich apwyntiad.

    A gaf i ddod â fy nghi cymorth i'r Ganolfan Asesu gyda mi?

    Cewch, gallwch ddod â chŵn cymorth neu anifeiliaid gwasanaeth eraill gyda chi.

    Nid yw fy meddyg teulu wedi rhoi unrhyw dystiolaeth i mi ei rhannu gyda chi. Beth ddylwn i ei wneud?

    Y peth pwysicaf yw eich bod yn dychwelyd y ffurflen atom erbyn y dyddiad ar y llythyr a anfonasom atoch. Llenwch y ffurflen mor llawn ag y gallwch, gan roi cymaint o wybodaeth â phosibl.

    Gallwch anfon tystiolaeth feddygol atom ar wahân. Gallwch ddarparu tystiolaeth gan ymgynghorydd neu feddyg arbenigol arall, seiciatrydd, nyrs arbenigol fel Nyrs Seiciatrig Cymunedol, ffisiotherapydd, therapydd galwedigaethol, gweithiwr cymdeithasol, gweithiwr cymorth, cynorthwyydd personol neu ofalwr.

    Weithiau efallai y byddwn yn gofyn am dystiolaeth gan y Gweithiwr Gofal Iechyd Proffesiynol sy'n eich adnabod orau i'n helpu gyda'r asesiad.

    Mae'n well gen i ddelio â phobl ar e-bost, a allwch chi wneud hyn?

    Byddwn yn anfon llythyr apwyntiad atoch ar gyfer eich asesiad. Os ydych angen manylion eich asesiad drwy e-bost hefyd, cysylltwch â ni ar 0800 072 0226. 

    Nid yw fy meddyg teulu yn gwybod llawer amdanaf. A all Gweithiwr Gofal Iechyd Proffesiynol arall ddarparu tystiolaeth o sut mae fy nghyflwr yn effeithio arnaf?

    Cewch, gallwch ddarparu tystiolaeth gan Weithiwr Gofal Iechyd Proffesiynol arall. Gallai hyn fod yn feddyg ymgynghorol neu arbenigol, seiciatrydd, nyrs arbenigol fel Nyrs Seiciatrig Cymunedol, ffisiotherapydd, therapydd galwedigaethol, gweithiwr cymdeithasol, gweithiwr cymorth, cynorthwyydd personol neu ofalwr.

    Rwyf am i'm hasesiad gael ei wneud gan Weithiwr Gofal Iechyd Proffesiynol o'r un rhyw. A gaf i ofyn am hyn?

    Gallwch. Am fwy o wybodaeth, ffoniwch ein llinell Ymholiadau ar 0800 072 0226 

    A fydd gen i ddigon o amser i esbonio sut mae fy nghyflwr yn effeithio arna i?

    Bydd. Bydd y Gweithiwr Gofal Iechyd Proffesiynol yn gofyn cwestiynau i chi am sut mae'ch cyflwr yn effeithio arnoch chi o ddydd i ddydd. Byddant yn rhoi'r amser sydd ei angen arnoch i ymateb neu i sôn am ffyrdd eraill y mae eich salwch, anabledd neu gyflwr iechyd yn effeithio arnoch chi.

    A allaf gael fy llythyr apwyntiad mewn fformat gwahanol?

    Mae llythyrau apwyntiad ar gael mewn amrywiaeth o fformatau hygyrch. Am fwy o wybodaeth, ffoniwch ein llinell Ymholiadau ar 0800 072 0226.

    A gaf i newid y ffordd y mae fy asesiad yn cael ei gynnal?

    Os byddai'n well gennych gael eich asesu mewn ffordd wahanol, cysylltwch â ni cyn gynted â phosibl fel y gallwn drafod hyn gyda chi.

    Cwynion

      Beth os ydw i'n anhapus ynglŷn â phenderfyniad budd-dal yr Adran Gwaith a Phensiynau (DWP)?

      Os ydych chi'n anhapus ynglŷn â'r penderfyniad a wnaed gan y DWP, gallech ofyn iddynt ailystyried eu penderfyniad. Os ydych am wneud hyn, cysylltwch â'r swyddfa a restrir ar eich llythyr penderfyniad.

      Beth fydd yn digwydd i'm cwyn am eich gwasanaeth?

      Ein nod yw delio â'ch cwyn yn deg, yn gyson ac mewn modd amserol. Byddwn yn cydnabod eich cwyn o fewn 2 ddiwrnod gwaith.

      Rydym yn anelu i ymateb i'ch cwyn o fewn 20 diwrnod gwaith. Weithiau gall ein hymchwiliad gymryd mwy o amser oherwydd efallai y bydd angen:

      – Cael copi o'r adroddiad neu'r holiadur gan y swyddfa sy'n delio â'ch cais 
      – Cael gwybodaeth gan y Gweithiwr Gofal Iechyd Proffesiynol neu weithwyr eraill sy'n ymwneud â’ch cais

      Os byddwn yn dod o hyd i unrhyw anghywirdebau ar eich adroddiad, byddwn yn rhoi gwybod i’r swyddfa sy'n delio â'ch cais. Yr Adran Gwaith a Phensiynau (DWP) sydd i benderfynu a yw ein canfyddiadau'n newid eu penderfyniad ynghylch eich hawl i fudd-dal.

      Ni all y Gwasanaeth Ymgynghorol Asesiad Iechyd newid penderfyniad y DWP ar eich budd-dal na gofyn am asesiad newydd.

      Beth os nad wyf yn fodlon â'ch ymateb i'm cwyn?

      Cysylltwch â thîm Cysylltiadau Cwsmeriaid y Gwasanaeth Ymgynghorol Asesiad Iechyd, gan egluro pa rannau o'ch cwyn sydd heb gael sylw i’ch boddhad. Bydd uwch reolwr yn adolygu'r ymchwiliad i'ch cwyn yn bersonol ac yn cynnal ymchwiliad pellach, os yw'n briodol.

      A allaf fynd â'm cwyn ymhellach?

      Mae'r Gwasanaeth Ymgynghorol Asesiad Iechyd yn darparu asesiadau ar ran yr Adran Gwaith a Phensiynau (DWP). Os ydych yn parhau i fod yn anfodlon â'r broses gwyno, gallwch gysylltu ag Ymchwilydd Achosion Annibynnol y DWP.
      Dysgwch fwy am yr Ymchwilydd Achosion Annibynnol.

      Cwestiynau Cyffredin wyneb yn wyneb

        Pa mor hir fydd yn rhaid i mi aros am fy asesiad wyneb yn wyneb?

        Efallai y bydd yn rhaid i chi aros am gyfnod byr pan fyddwch yn cyrraedd y Ganolfan Asesu. Rhowch wybod i'r Cynrychiolydd Gwasanaeth Cwsmeriaid eich bod wedi cyrraedd yna eisteddwch yn yr ystafell aros. Peidiwch â chyrraedd mwy na 10 munud yn gynnar i'n helpu i sicrhau bod digon o le i bawb.

        Efallai y bydd yn rhaid i chi aros am gyfnod byr pan fyddwch yn cyrraedd y Ganolfan Asesu. Rhowch wybod i'r Cynrychiolydd Gwasanaeth Cwsmeriaid eich bod wedi cyrraedd yna eisteddwch yn yr ystafell aros. Peidiwch â chyrraedd mwy na 10 munud yn gynnar i'n helpu i sicrhau bod digon o le i bawb.Mae rhai achosion, fel oedi anarferol neu salwch staff, pan fydd yn rhaid canslo apwyntiadau. Os bydd yn rhaid i ni ganslo, byddem bob amser yn ceisio rhoi gwybod i chi cyn i chi deithio i'ch apwyntiad.

        Ar adegau prin, caiff apwyntiad ei ganslo ac efallai na fyddwn yn gallu rhoi gwybod i chi cyn i chi gyrraedd y Ganolfan Asesu. Os byddwn yn canslo eich apwyntiad pan fyddwch yn y Ganolfan Asesu, byddwn yn ad-dalu eich costau teithio. Byddwn yn aildrefnu'r apwyntiad cyn gynted â phosibl.

        Sut ydw i'n gofyn am asesiad sain wedi'i recordio?

        Byddwn yn darparu ar gyfer ceisiadau am asesiadau sain wedi'u recordio lle bo hynny'n bosibl ac yn darparu'r offer i wneud hyn. Fodd bynnag, mae'n rhaid i chi wneud cais am recordiad sain cyn i'r asesiad ddigwydd.

        Os hoffech i'ch asesiad gael ei recordio, ffoniwch ein llinell ymholiadau ar 0800 072 0226. Mae ein llinellau ar agor o ddydd Llun i ddydd Gwener 8am i 8pm, a dydd Sadwrn rhwng 9am a 5pm. Gwnewch eich cais cyn gynted â phosibl fel ei fod yn rhan o'r broses trefnu apwyntiadau.

        Mae rhagor o wybodaeth, gan gynnwys esboniad o bolisi'r Adran Gwaith a Phensiynau am recordiad sain o Asesiadau Gallu i Weithio, ar wefan y Llywodraeth.

        A allaf gael yr asesiad yn fy nghartref?

        Os ydych chi'n meddwl na allwch deithio oherwydd eich cyflwr meddygol, cysylltwch â ni cyn gynted â phosibl. Yna bydd ein Gweithwyr Gofal Iechyd Proffesiynol yn ystyried yr holl wybodaeth sydd ar gael. Mae'n debygol y byddwn yn gofyn i chi am wybodaeth ategol, gan gynnwys cadarnhad gan weithiwr meddygol proffesiynol sy'n eich trin.

        Efallai y gallwn gynnig tacsi rhagdaledig i'r Ganolfan Asesu neu ddarparu asesiad dros y ffôn fel dewis arall.

        Pa mor hir fydd fy apwyntiad asesiad wyneb yn wyneb yn ei gymryd?

        Nid oes amser penodol ar gyfer asesiad. Mae pa mor hir y mae'n ei gymryd yn dibynnu ar eich achos unigol. Mae hefyd yn dibynnu ar y math o asesiad a'ch cyflyrau meddygol. Mae amser gyda'r Gweithiwr Gofal Iechyd Proffesiynol fel arfer rhwng 20 munud ac awr. Caniatewch hyd at ddwy awr, er bod llawer o asesiadau'n cymryd llawer llai o amser.

        Bydd y Gweithiwr Gofal Iechyd Proffesiynol yn treulio amser cyn i chi gyrraedd yn adolygu eich holiadur ac unrhyw wybodaeth arall sydd ar gael. Byddant yn treulio amser ar ôl i'ch asesiad ddod i ben yn cwblhau gweddill yr adroddiad meddygol. Yna caiff ei anfon at swyddfa'r Adran Gwaith a Phensiynau sy’n ymdrin â'ch cais.

        Beth ddylwn i ddod gyda mi i'm hasesiad wyneb yn wyneb?

        Dewch â:

        • Eich llythyr apwyntiad.
        • Prawf hunaniaeth. Gall hwn fod yn basbort neu dri math gwahanol arall o hunaniaeth, fel tystysgrif geni, trwydded yrru a bil cyfleustodau.
        • Unrhyw lythyr apwyntiad ysbyty neu lythyr derbyn.
        • Tabledi neu feddyginiaeth gyfredol arall, fel mewnanadlyddion.
        • Unrhyw gymhorthion meddygol, megis cymhorthion cerdded, cymhorthion clyw, sbectol a lensys cyffwrdd.
        • Unrhyw lythyrau gan eich meddyg teulu neu arbenigwr yn manylu ar eich cyflwr meddygol nad ydych eisoes wedi'u hanfon gyda'ch holiadur
        • Eich manylion banc neu gymdeithas adeiladu os ydych yn hawlio costau teithio.
        • Gorchudd wyneb.

        Dangoswch yr holl ddogfennau gan gynnwys tystiolaeth feddygol a phrawf o hunaniaeth wrth gyrraedd y dderbynfa. Peidiwch ag aros i roi dogfennau i'r Gweithiwr Gofal Iechyd Proffesiynol.

        A fyddaf yn gallu hawlio costau teithio?

        Mae'r Gwasanaeth Ymgynghorol Asesiad Iechyd yn talu treuliau ar gyfer teithio ar drafnidiaeth gyhoeddus. Gallwn dalu tuag at gostau tanwydd ar gyfer ceir preifat. Rydym hefyd yn ariannu cost parcio pan nad yw ar gael yn y Ganolfan Asesu.

        Efallai y byddwn hefyd yn talu costau cydymaith, perthynas, gofalwr neu blant ifanc a fyddai fel arall yn cael eu gadael heb oruchwyliaeth. Os ydych yn dymuno gwneud cais i gydymaith awdurdodedig deithio gyda chi, rhaid i chi gysylltu â'n llinell Ymholiadau cyn eich asesiad ar 0800 072 0226.

        Dylech ddefnyddio'r bws, y trên neu'r car preifat. Prynwch docynnau dychwelyd lle bo hynny'n bosibl a chadwch bob tocyn a derbynneb. Byddwn yn gallu eich talu'n gyflymach os byddwch yn dod â manylion eich cyfrif banc neu gymdeithas adeiladu.

        Er mwyn cael eich talu am unrhyw dreuliau, bydd angen i chi lenwi a chyflwyno ffurflen gostau. Gallwch ofyn i'r derbynnydd yn y Ganolfan Asesu am help i lenwi'r ffurflen. Cadwch eich holl dderbynebau os gwelwch yn dda. Dylech dderbyn taliad am eich treuliau tua phythefnos ar ôl i chi gyflwyno'r ffurflen.

        Dw i'n defnyddio cadair olwyn. A yw'r Ganolfan Asesu yn hygyrch?

        Rhowch wybod i ni cyn gynted â phosibl os ydych yn defnyddio cadair olwyn neu os oes gennych broblemau symudedd sylweddol eraill drwy ffonio ein llinell Ymholiadau ar 0800 072 0226. Rydym am sicrhau y gallwn eich anfon i Ganolfan Asesu y gallwch gael mynediad ati. Os nad yw hyn yn bosibl, efallai y byddwn yn gallu cynnal eich asesiad dros y ffôn.

        Ni allaf gyrraedd y Ganolfan Asesu, beth allaf ei wneud?

        Rhowch wybod i ni cyn gynted â phosibl drwy ffonio ein llinell Ymholiadau ar 0800 072 0226. Efallai y byddwn yn gallu trefnu trafnidiaeth i chi neu gynnal asesiad ffôn.

        Rwy'n poeni y byddwch yn fy ffonio. Mae gen i broblemau clyw ac nid wyf yn defnyddio'r ffôn. Beth ddylwn i ei wneud?

        Byddwn yn anfon llythyr apwyntiad atoch ar gyfer eich asesiad.

        Gallwch hefyd ofyn i rywun arall ein ffonio ar 0800 072 0226 a rhoi gwybod i ni os yw'n well gennych gyfathrebu ar e-bost.

        A fydd yn rhaid i mi wneud symudiadau sy'n achosi poen imi?

        Ni fydd y gweithiwr gofal iechyd proffesiynol yn gofyn i chi wneud unrhyw symudiadau sy'n achosi poen i chi. Os ydych chi'n poeni y gallai rhai symudiadau achosi poen i chi, dywedwch wrth y Gweithiwr Gofal Iechyd Proffesiynol.

        A fydd y person sy'n fy asesu i yn feddyg? A fyddant yn deall fy nghyflwr?

        Mae ein Gweithwyr Gofal Iechyd Proffesiynol yn cynnwys meddygon, nyrsys a ffisiotherapyddion. Bydd pawb yn cael hyfforddiant ar sut i gynnal eich asesiad yn deg ac yn dosturiol. Mae pob un wedi'i hyfforddi'n arbennig i gwblhau eich asesiad gydag urddas a pharch. Ni fyddant yn cynnal ymgynghoriad meddygol yn y ffordd y mae eich meddyg teulu'n ei wneud. Byddant yn asesu eich gallu ymarferol i weithio.

        A gaf i ateb trwy neges destun os na allaf fynd i fy apwyntiad?

        Na. Oherwydd natur gyfrinachol eich apwyntiadau, ni allwn dderbyn atebion neges destun. Gallwch gysylltu â ni i drafod aildrefnu eich apwyntiad ar 0800 072 0226. 

        A gaf i deithio mewn tacsi i'r Ganolfan Asesu?

        Cysylltwch â'r Gwasanaeth Ymgynghorol Asesiad Iechyd os mai dim ond mewn tacsi y gallwch deithio. Efallai y byddwch yn gallu hawlio ffioedd tacsi os oes gennych lythyr gan weithiwr meddygol proffesiynol sy'n eich trin yn egluro pam bod eich cyflwr meddygol yn golygu na allwch deithio ar drafnidiaeth gyhoeddus. Ni all y Gwasanaeth Ymgynghorol Asesiad Iechyd helpu gydag unrhyw ffioedd gan eich meddyg am ddarparu'r llythyr. Anfonwch y llythyr at y Gwasanaeth Ymgynghorol Asesiad Iechyd a byddant yn cysylltu â chi i ddweud wrthych a allant dalu eich ffioedd tacsi. Peidiwch â theithio mewn tacsi heb gytundeb.

        Cwestiynau Cyffredin Asesiadau ffôn

          Pryd y byddaf yn cael gwahoddiad i fynychu Asesiad Gallu i Weithio?

          Mae'r DWP wedi cymeradwyo Asesiadau Gallu i Weithio papur, wyneb yn wyneb, fideo a ffôn. 

          Os byddwn yn eich gwahodd i gael Asesiad Gallu i Weithio dros y ffôn, byddwch yn derbyn galwad ffôn neu lythyr gan Capita i'ch gwahodd i fynychu apwyntiad ac i roi rhagor o fanylion i chi. Nid oes angen i chi cysylltu â ni.

          Gofynnwyd i mi sicrhau fy mod ar gael ar gyfer asesiad ffôn. Pam hyn/beth yw hyn?

          Yn seiliedig ar y dystiolaeth a ddarparwyd gennych, efallai y bydd modd cynnal Asesiad Gallu i Weithio dros y ffôn i asesu sut mae eich salwch neu anabledd yn effeithio ar eich gallu i weithio. Bydd hyn yn helpu DWP i sicrhau eich bod yn cael y swm cywir o fudd-dal.

          Ni allaf gael tystiolaeth feddygol gan fy meddyg teulu/Ysbyty i gefnogi fy Asesiad Gallu i Weithio ar hyn o bryd. Beth alla i ei wneud?

          Os na allwch gael hyn, bydd DWP yn ceisio gwneud eu penderfyniad yn seiliedig ar yr hyn a ddywedwch yn yr asesiad ffôn ac unrhyw wybodaeth arall sydd ganddynt eisoes.

          Fe wnes i fethu fy apwyntiad asesiad dros y ffôn, beth ddylwn i ei wneud?

          Dylech gysylltu â ni ar 0800 072 0226 cyn gynted â phosibl.

          Beth os ydw i eisiau rhywun gyda mi yn ystod yr asesiad ffôn?

          Fel gydag apwyntiadau wyneb yn wyneb, gallwch gael rhywun gyda chi yn eich asesiad ffôn i gynnig help a chefnogaeth. Fel arfer, y person sy'n eich adnabod orau ac yn eich deall chi a'ch anghenion fydd hwn.

          Er enghraifft, gall hyn fod yn berthynas, yn weithiwr cymorth neu'n ffrind ond mae'n rhaid iddynt fod yn 16 oed neu'n hŷn. Efallai y byddant yn gallu siarad ar eich rhan a gallant gynnig cymorth defnyddiol. Fodd bynnag, bydd yr asesiad yn canolbwyntio arnoch chi a'r atebion a roddwch.

          Os na all eich gweithiwr cymorth/ffrind fod gyda chi'n bersonol o ganlyniad i ganllawiau cyfredol y Llywodraeth ar bellhau cymdeithasol, gallwn eu hychwanegu at yr alwad ffôn. Byddwn yn gofyn i chi am eu rhif a bydd angen iddynt fod yn barod i ateb y ffôn ar adeg eich apwyntiad.

          Pa mor hir fydd Asesiad Gallu i Weithio dros y ffôn yn para?

          Dylai'r asesiad ffôn bara rhwng 20 munud ac 1 awr, ond gall gymryd mwy o amser os bydd angen.

          Gofynnwyd i mi fynychu asesiad wyneb yn wyneb. A allaf gael asesiad ffôn yn lle hynny?

          Mae asesiadau ffôn yn briodol mewn rhai achosion yn unig. Bydd gweithiwr gofal iechyd proffesiynol wedi adolygu'r wybodaeth a ddarparwyd gennych a byddai angen asesiad wyneb yn wyneb fel bod y DWP yn sicrhau eich bod yn cael y swm cywir o fudd-dal.

          Cwestiynau Cyffredin Fideo

            A yw asesiadau fideo yn ddiogel?

            Mae galwadau fideo yn gwbl ddiogel ac mae eich preifatrwydd yn cael ei ddiogelu. Bydd eich asesiad yn cael ei gynnal mewn ystafell asesu breifat, rhithiol a dim ond ein staff all fynd i mewn.

            Beth ddylwn i ei wneud os nad yw'r botymau galwad Prawf neu Dechrau galwad fideo yn gweithio?

            Ewch i'n canllaw cymorth technegol am fwy o wybodaeth.

            Faint o ddata rhyngrwyd y byddaf yn ei ddefnyddio?

            Mae asesiad fideo yn defnyddio tua'r un faint o ddata â Skype neu FaceTime. Os ydych chi'n defnyddio ffôn clyfar neu dabled, cysylltwch â rhwydwaith WiFi cartref neu rwydwaith WiFi diogel arall i osgoi defnyddio'ch lwfans data symudol.

            Pwy ddylwn i gysylltu â nhw os oes gennyf unrhyw gwestiynau am fy apwyntiad?

            Gallwch gysylltu â'r ddesg gymorth apwyntiadau ar 0800 072 0226.

            Health assessment advisory service provided on behalf of Adran Gwaith a Phensiynau