Rydym yma i'ch helpu i ddeall y broses asesu. Mae hwn yn lle da i ddechrau os ydych yn chwilio am atebion i'ch cwestiynau.

Gallwch hefyd gysylltu â'n llinell ymholiadau cwsmeriaid ar 0800 072 0226. Mae'r llinellau ar agor o ddydd Llun i ddydd Gwener rhwng 8am ac 8pm.

Os bydd angen, bydd Rheolwr Cysylltiadau Cwsmeriaid yn hapus i'ch ffonio yn ôl o ddydd Llun i ddydd Gwener rhwng 9am a 5pm.

Cwestiynau cyffredinol Cwynion Cwestiynau Cyffredin wyneb yn wyneb Cwestiynau Cyffredin Asesiadau ffôn Cwestiynau Cyffredin Fideo

Cwestiynau cyffredinol

    A allaf gael fy llythyr apwyntiad mewn fformat gwahanol?

    Mae llythyrau apwyntiad ar gael mewn amrywiaeth o fformatau hygyrch. Am fwy o wybodaeth, ffoniwch ein llinell Ymholiadau ar 0800 072 0226.

    Beth sy'n digwydd os na allaf ddod i'm hapwyntiad asesiad?

    Mae'r Adran Gwaith a Phensiynau (DWP) yn caniatáu i chi aildrefnu'r apwyntiad unwaith. Os oes angen i chi aildrefnu eich apwyntiad ESA, ffoniwch ein llinell Ymholiadau cyn diwrnod eich apwyntiad ar 0800 072 0226.

    A gaf i newid y ffordd y mae fy asesiad yn cael ei gynnal?

    Os byddai'n well gennych gael eich asesu mewn ffordd wahanol, cysylltwch â ni cyn gynted â phosibl fel y gallwn drafod hyn gyda chi.

    Sut ydw i'n gofyn am asesiad wedi'i recordio?

    Byddwn yn darparu ar gyfer ceisiadau am asesiadau wedi'u recordio lle bo hynny'n bosibl ac yn darparu'r offer i wneud hyn. Fodd bynnag, mae'n rhaid i chi wneud cais am recordiad cyn i'r asesiad ddigwydd.

    Os hoffech i'ch asesiad gael ei recordio, ffoniwch ein llinell ymholiadau ar 0800 072 0222. Gwnewch eich cais cyn gynted â phosibl fel ei fod yn rhan o'r broses archebu apwyntiadau.

    Gallwch ddod o hyd i ragor o wybodaeth, gan gynnwys esboniad o bolisi'r Adran Gwaith a Phensiynau am recordiad sain o’r Asesiadau Gallu i Weithio, ar wefan y Llywodraeth.

    Rwyf am i'm hasesiad gael ei wneud gan Weithiwr Gofal Iechyd Proffesiynol o'r un rhyw. A gaf i ofyn am hyn?

    Gallwch. Am fwy o wybodaeth, ffoniwch ein llinell Ymholiadau ar 0800 072 0226 

    A fydd gen i ddigon o amser i esbonio sut mae fy nghyflwr yn effeithio arna i?

    Bydd. Gall y gweithiwr gofal iechyd proffesiynol yn gofyn cwestiynau i chi am sut mae'ch cyflwr yn effeithio arnoch chi o ddydd i ddydd. Byddant yn rhoi'r amser sydd ei angen arnoch i ymateb neu i sôn am ffyrdd eraill y mae eich salwch, anabledd neu gyflwr iechyd yn effeithio arnoch chi.

    Nid yw fy meddyg teulu yn gwybod llawer amdanaf. A all Gweithiwr Gofal Iechyd Proffesiynol arall ddarparu tystiolaeth o sut mae fy nghyflwr yn effeithio arnaf?

    Cewch, gallwch ddarparu tystiolaeth gan Weithiwr Gofal Iechyd Proffesiynol arall. Gallai hyn fod yn feddyg ymgynghorol neu arbenigol, seiciatrydd, nyrs arbenigol fel Nyrs Seiciatrig Cymunedol, ffisiotherapydd, therapydd galwedigaethol, gweithiwr cymdeithasol, gweithiwr cymorth, cynorthwyydd personol neu ofalwr.

    Pa gymwysterau a phrofiad sydd gan Weithwyr Gofal Iechyd Proffesiynol?

    Mae'n rhaid i'n Gweithwyr Gofal Iechyd Proffesiynol gael eu cofrestru gyda'u corff llywodraethu proffesiynol priodol:

    Ar gyfer meddygon, Cyngor Meddygol Cyffredinol (GMC) yw hwn. Rhaid iddynt fod ar y Rhestr o Ymarferwyr Meddygol Cofrestredig a bod â thrwydded gyfredol i ymarfer, ond nid o reidrwydd ar y rhestr meddygon teulu neu;

    Ar gyfer nyrsys hwn yw'r Cyngor Nyrsio a Bydwreigiaeth (NMC)

    Ar gyfer ffisiotherapyddion a therapyddion galwedigaethol hwn yw'r Cyngor Proffesiynau Iechyd a Gofal (HCPC).

    Rhaid i'n holl weithwyr gofal iechyd proffesiynol feddu ar brofiad clinigol ôl-gofrestru a rhaid iddynt gwblhau proses hyfforddi drylwyr a chynhwysfawr yn llwyddiannus i ddarparu asesiadau yn unol â'r ddeddfwriaeth gyfredol cyn y gall yr Adran Gwaith a Phensiynau eu cymeradwyo i weithio yn y maes hwn.

    Mae ein gweithwyr gofal iechyd proffesiynol yn arbenigwyr mewn dadansoddi anabledd, gan ganolbwyntio ar effeithiau’r cyflwr, nid ar y cyflwr ei hun.

    A gaf i gymryd nodiadau yn ystod fy apwyntiad asesiad?

    Gallwch chi neu'ch cynrychiolydd gymryd nodiadau yn ystod asesiad. Bydd y nodiadau ar gyfer eich defnydd preifat yn unig. Ni fyddwn yn eu hanfon at yr Adran Gwaith a Phensiynau gyda'r adroddiad meddygol. Bydd y Gweithiwr Gofal Iechyd Proffesiynol yn cofnodi yn yr adroddiad meddygol bod nodiadau wedi'u cymryd. Byddant hefyd yn egluro nad yw'r nodiadau yn gofnod swyddogol o'r asesiad.

    Asesiadau wyneb yn wyneb

      Pa mor hir fydd yn rhaid i mi aros am fy asesiad wyneb yn wyneb?

      Efallai y bydd yn rhaid i chi aros am gyfnod byr pan fyddwch yn cyrraedd y Ganolfan Asesu. Rhowch wybod i'r Cynrychiolydd Gwasanaeth Cwsmeriaid eich bod wedi cyrraedd yna eisteddwch yn yr ystafell aros. Peidiwch â chyrraedd mwy na 10 munud yn gynnar i'n helpu i sicrhau bod digon o le i bawb.

      Efallai y bydd yn rhaid i chi aros am gyfnod byr pan fyddwch yn cyrraedd y Ganolfan Asesu. Rhowch wybod i'r Cynrychiolydd Gwasanaeth Cwsmeriaid eich bod wedi cyrraedd yna eisteddwch yn yr ystafell aros. Peidiwch â chyrraedd mwy na 10 munud yn gynnar i'n helpu i sicrhau bod digon o le i bawb.Mae rhai achosion, fel oedi anarferol neu salwch staff, pan fydd yn rhaid canslo apwyntiadau. Os bydd yn rhaid i ni ganslo, byddem bob amser yn ceisio rhoi gwybod i chi cyn i chi deithio i'ch apwyntiad.

      Ar adegau prin, caiff apwyntiad ei ganslo ac efallai na fyddwn yn gallu rhoi gwybod i chi cyn i chi gyrraedd y Ganolfan Asesu. Os byddwn yn canslo eich apwyntiad pan fyddwch yn y Ganolfan Asesu, byddwn yn ad-dalu eich costau teithio. Byddwn yn aildrefnu'r apwyntiad cyn gynted â phosibl.

      A allaf gael yr asesiad yn fy nghartref?

      Os ydych chi'n meddwl na allwch deithio oherwydd eich cyflwr meddygol, cysylltwch â ni cyn gynted â phosibl. Yna bydd ein Gweithwyr Gofal Iechyd Proffesiynol yn ystyried yr holl wybodaeth sydd ar gael. Mae'n debygol y byddwn yn gofyn i chi am wybodaeth ategol, gan gynnwys cadarnhad gan weithiwr meddygol proffesiynol sy'n eich trin.

      Efallai y gallwn gynnig tacsi rhagdaledig i'r Ganolfan Asesu neu ddarparu asesiad dros y ffôn fel dewis arall.

      Pa mor hir fydd fy apwyntiad asesiad wyneb yn wyneb yn ei gymryd?

      Nid oes amser penodol ar gyfer asesiad. Mae pa mor hir y mae'n ei gymryd yn dibynnu ar eich achos unigol. Mae hefyd yn dibynnu ar y math o asesiad a'ch cyflyrau meddygol. Mae amser gyda'r Gweithiwr Gofal Iechyd Proffesiynol fel arfer rhwng 20 munud ac awr. Caniatewch hyd at ddwy awr, er bod llawer o asesiadau'n cymryd llawer llai o amser.

      Bydd y Gweithiwr Gofal Iechyd Proffesiynol yn treulio amser cyn i chi gyrraedd yn adolygu eich holiadur ac unrhyw wybodaeth arall sydd ar gael. Byddant yn treulio amser ar ôl i'ch asesiad ddod i ben yn cwblhau gweddill yr adroddiad meddygol. Yna caiff ei anfon at swyddfa'r Adran Gwaith a Phensiynau sy’n ymdrin â'ch cais.

      Ydych chi'n darparu dehonglwyr?

      Byddwn yn darparu dehonglydd ar gyfer asesiad wyneb yn wyneb pan fo angen. Cysylltwch â'n tîm Cysylltiadau Cwsmeriaid ar 0800 072 0222. Rhowch o leiaf ddau ddiwrnod o rybudd.

      Os yw'n well gennych, gallwch ddod â ffrind neu aelod o'r teulu i ddehongli ar eich rhan. Rhaid i'r person fod yn 16 oed o leiaf.

      Sut ydw i'n gofyn am asesiad wedi'i recordio?

      Byddwn yn darparu ar gyfer ceisiadau am asesiadau sain wedi'u recordio lle bo hynny'n bosibl ac yn darparu'r offer i wneud hyn. Fodd bynnag, mae'n rhaid i chi wneud cais am recordiad sain cyn i'r asesiad ddigwydd.

      Os hoffech i'ch asesiad gael ei recordio, ffoniwch ein llinell ymholiadau ar 0800 072 0226. Mae ein llinellau ar agor o ddydd Llun i ddydd Gwener 8am i 8pm, a dydd Sadwrn rhwng 9am a 5pm. Gwnewch eich cais cyn gynted â phosibl fel ei fod yn rhan o'r broses trefnu apwyntiadau.

      Mae rhagor o wybodaeth, gan gynnwys esboniad o bolisi'r Adran Gwaith a Phensiynau am recordiad sain o Asesiadau Gallu i Weithio, ar wefan y Llywodraeth.

      Dw i'n defnyddio cadair olwyn. A yw'r Ganolfan Asesu yn hygyrch?

      Rhowch wybod i ni cyn gynted â phosibl os ydych yn defnyddio cadair olwyn neu os oes gennych broblemau symudedd sylweddol eraill drwy ffonio ein llinell Ymholiadau ar 0800 072 0226. Rydym am sicrhau y gallwn eich anfon i Ganolfan Asesu y gallwch gael mynediad ati. Os nad yw hyn yn bosibl, efallai y byddwn yn gallu cynnal eich asesiad dros y ffôn.

      A gaf i ddod â fy nghi cymorth i'r Ganolfan Asesu gyda mi?

      Cewch, gallwch ddod â chŵn cymorth neu anifeiliaid gwasanaeth eraill gyda chi.

      Ni allaf gyrraedd y Ganolfan Asesu, beth allaf ei wneud?

      Rhowch wybod i ni cyn gynted â phosibl drwy ffonio ein llinell Ymholiadau ar 0800 072 0226. Efallai y byddwn yn gallu trefnu trafnidiaeth i chi neu gynnal asesiad ffôn.

      Asesiadau ffôn

        Fe wnes i fethu fy apwyntiad asesiad dros y ffôn, beth ddylwn i ei wneud?

        Dylech gysylltu â ni ar 0800 072 0226 cyn gynted â phosibl.

        Gofynnwyd i mi fynychu asesiad wyneb yn wyneb. A allaf gael asesiad ffôn yn lle hynny?

        Mae asesiadau ffôn yn briodol mewn rhai achosion yn unig. Bydd gweithiwr gofal iechyd proffesiynol wedi adolygu'r wybodaeth a ddarparwyd gennych a byddai angen asesiad wyneb yn wyneb fel bod y DWP yn sicrhau eich bod yn cael y swm cywir o fudd-dal.

        Asesiadau fideo

          A yw asesiadau fideo yn ddiogel?

          Mae galwadau fideo yn gwbl ddiogel ac mae eich preifatrwydd yn cael ei ddiogelu. Bydd eich asesiad yn cael ei gynnal mewn ystafell asesu breifat, rhithiol a dim ond ein staff all fynd i mewn.

          Faint o ddata rhyngrwyd y byddaf yn ei ddefnyddio?

          Mae asesiad fideo yn defnyddio tua'r un faint o ddata â Skype neu FaceTime. Os ydych chi'n defnyddio ffôn clyfar neu dabled, cysylltwch â rhwydwaith WiFi cartref neu rwydwaith WiFi diogel arall i osgoi defnyddio'ch lwfans data symudol.

          Cwynion

            Beth os ydw i'n anhapus ynglŷn â phenderfyniad budd-dal yr Adran Gwaith a Phensiynau (DWP)?

            Os ydych chi'n anhapus ynglŷn â'r penderfyniad a wnaed gan y DWP, gallech ofyn iddynt ailystyried eu penderfyniad. Os ydych am wneud hyn, cysylltwch â'r swyddfa a restrir ar eich llythyr penderfyniad.

            Beth fydd yn digwydd i'm cwyn am eich gwasanaeth?

            Ein nod yw delio â'ch cwyn yn deg, yn gyson ac mewn modd amserol. Byddwn yn cydnabod eich cwyn o fewn 2 ddiwrnod gwaith.

            Rydym yn anelu i ymateb i'ch cwyn o fewn 20 diwrnod gwaith. Weithiau gall ein hymchwiliad gymryd mwy o amser oherwydd efallai y bydd angen:

            – Cael copi o'r adroddiad neu'r holiadur gan y swyddfa sy'n delio â'ch cais 
            – Cael gwybodaeth gan y Gweithiwr Gofal Iechyd Proffesiynol neu weithwyr eraill sy'n ymwneud â’ch cais

            Os byddwn yn dod o hyd i unrhyw anghywirdebau ar eich adroddiad, byddwn yn rhoi gwybod i’r swyddfa sy'n delio â'ch cais. Yr Adran Gwaith a Phensiynau (DWP) sydd i benderfynu a yw ein canfyddiadau'n newid eu penderfyniad ynghylch eich hawl i fudd-dal.

            Ni all y Gwasanaeth Ymgynghorol Asesiad Iechyd newid penderfyniad y DWP ar eich budd-dal na gofyn am asesiad newydd.

            Beth os nad wyf yn fodlon â'ch ymateb i'm cwyn?

            Cysylltwch â thîm Cysylltiadau Cwsmeriaid y Gwasanaeth Ymgynghorol Asesiad Iechyd, gan egluro pa rannau o'ch cwyn sydd heb gael sylw i’ch boddhad. Bydd uwch reolwr yn adolygu'r ymchwiliad i'ch cwyn yn bersonol ac yn cynnal ymchwiliad pellach, os yw'n briodol.

            A allaf fynd â'm cwyn ymhellach?

            Mae'r Gwasanaeth Ymgynghorol Asesiad Iechyd yn darparu asesiadau ar ran yr Adran Gwaith a Phensiynau (DWP). Os ydych yn parhau i fod yn anfodlon â'r broses gwyno, gallwch gysylltu ag Ymchwilydd Achosion Annibynnol y DWP.
            Dysgwch fwy am yr Ymchwilydd Achosion Annibynnol.

            Health assessment advisory service provided on behalf of Adran Gwaith a Phensiynau