Rydym bob amser yn anelu at gynnal asesiad proffesiynol, gan ei gwneud yn glir beth y gallwch ei ddisgwyl gennym ni a'r hyn y mae angen i chi ei wneud. Byddwn yn gwneud ein gorau i wneud ein gwasanaeth yn hawdd ei ddefnyddio, byddwn yn gwrando arnoch ac yn sicrhau eich bod yn teimlo'n gyfforddus.
Pethau allweddol i'w cofio:
Nid yw gweithiwr iechyd proffesiynol Capita sy'n eich asesu yn gwneud y penderfyniad ar eich cais. Gwneir hyn gan y DWP gan ddefnyddio'ch adroddiad asesiad ac unrhyw dystiolaeth arall yr ydych wedi'i darparu.
Os ooes angen i chi gael asesiad, bydd yn cael ei chynnal gyda gweithiwr iechyd proffesiynol a fydd yn eich trin â pharch.
Ni fydd y gweithiwr iechyd proffesiynol yn gwneud diagnosis o'ch cyflwr nac yn argymell triniaeth. Mae'n asesiad ymarferol i ddeall sut mae eich cyflwr iechyd neu anabledd yn effeithio arnoch chi.
Rydym yn gwybod y gall y broses hon fod yn straen i rai ac rydym yn eich annog i ddod â rhywun gyda chi i'r asesiad.
Os oes angen seibiant arnoch ar unrhyw adeg yn ystod eich asesiad, rhowch wybod i'r gweithiwr iechyd proffesiynol.
Mae llawer o sefydliadau cyngor annibynnol am ddim a all eich cefnogi gyda'ch cais. Dod o hyd i sefydliad yn eich ardal.
Os nad ydych yn hapus gyda phenderfyniad y DWP gallwch ofyn iddynt ailedrych ar eich achos.
Rydym yma i'ch cefnogi drwy'r broses. Cysylltwch â ni os oes gennych unrhyw gwestiynau neu bryderon.
Capita ydym ni, cwmni annibynnol sy'n gweithio gyda'r Adran Gwaith a Phensiynau (DWP) yng Nghymru a Lloegr, i gynnal asesiadau'r Gwasanaeth Ymgynghorol Asesiad Iechyd (HAAS). Rydym yn gweithio ochr yn ochr â Maximus, sy’n darparu asesiadau ar ran Capita.
Ein rôl yw deall eich cyflwr iechyd neu anabledd, gan gefnogi'r DWP a’r DfC i asesu eich cais yn deg ac yn gywir. Bydd y DWP yn edrych ar yr adroddiad asesiad a'r dystiolaeth ategol rydych wedi'i darparu i wneud penderfyniad ar eich cais.
