Dyma ddetholiad o gwestiynau cyffredin ac atebion i'ch helpu chi. Cliciwch ar gwestiwn i weld yr ateb.

Cwestiynau cyffredinol Asesiadau wyneb yn wyneb Asesiadau ffôn Asesiadau fideo Cwynion

Cwestiynau cyffredinol

    A allaf gael fy llythyr apwyntiad mewn fformat gwahanol?

    Mae llythyrau apwyntiad ar gael mewn amrywiaeth o fformatau hygyrch. Am fwy o wybodaeth, ffoniwch ein llinell Ymholiadau ar 0800 072 0226.

    A gaf i newid y ffordd y mae fy asesiad yn cael ei gynnal?

    Os byddai'n well gennych gael eich asesu mewn ffordd wahanol, Capita  cyn gynted â phosibl fel y gallwn drafod hyn gyda chi.

    Sut ydw i'n gofyn am asesiad wedi'i recordio?

    Byddwn yn darparu ar gyfer ceisiadau am asesiadau wedi'u recordio lle bo hynny'n bosibl ac yn darparu'r offer i wneud hyn. Fodd bynnag, mae'n rhaid i chi wneud cais am recordiad sain cyn i'r asesiad ddigwydd.

    Os hoffech i'ch asesiad gael ei recordio, ffoniwch ein llinell ymholiadau ar 0800 072 0222. Mae ein llinellau ar agor o ddydd Llun i ddydd Gwener 8am i 8pm, a dydd Sadwrn rhwng 9am a 5pm. Gwnewch eich cais cyn gynted â phosib fel ei fod yn rhan o'r broses archebu apwyntiadau.

    Gallwch ddod o hyd i ragor o wybodaeth, gan gynnwys esboniad o bolisi'r Adran Gwaith a Phensiynau am recordiad sain Asesiadau Gallu i Weithio, ar wefan y Llywodraeth.

    Beth sy'n digwydd os na allaf ddod i fy apwyntiad asesu?

    Os na fyddwch yn mynychu eich apwyntiad wyneb yn wyneb neu dros y ffôn, anfonir ffurflen atoch (BF223). Bydd yn gofyn pam nad oeddech yn bresennol. Bydd angen i chi ei llenwi a'i hanfon yn yr amlen ragdaledig a ddarparwyd.

    Os ydynt yn derbyn 'achos da' am beidio â mynychu'r apwyntiad, efallai y byddant yn cyfeirio'ch achos yn ôl i ni. Byddwn yn trefnu apwyntiad newydd.

    Rwyf am i fy asesiad gael ei wneud gan Weithiwr Iechyd Proffesiynol o'r un rhyw. A gaf i ofyn am hyn?

    Gallwch. Am fwy o wybodaeth, ffoniwch ein llinell Ymholiadau ar 0800 072 0226.

    A fydd gen i ddigon o amser i esbonio sut mae fy nghyflwr yn effeithio arna i?

    Gall y Gweithiwr Gofal Iechyd Proffesiynol yn gofyn cwestiynau i chi am sut mae'ch cyflwr yn effeithio arnoch chi o ddydd i ddydd. Byddant yn rhoi'r amser sydd ei angen arnoch i ymateb neu i sôn am ffyrdd eraill y mae eich salwch, anabledd neu gyflwr iechyd yn effeithio arnoch chi.

    A gaf i weld copi o fy Adroddiad Asesu?

    Gallwch weld yr adroddiad wedi'i gwblhau gan y Gweithiwr Iechyd Proffesiynol ar ôl iddo gael ei anfon at yr Adran Gwaith a Phensiynau (DWP).

    Os ydych chi eisiau copi, gallwch ffonio'r swyddfa DWP sy'n gofalu am eich cais. Mae rhif ffôn ar gyfer swyddfa'r DWP ar y llythyrau rydych wedi'u derbyn ganddynt am eich cais am fudd-dal.

    Asesiadau wyneb yn wyneb

      A allaf gael yr asesiad yn fy nghartref?

      Os ydych chi'n meddwl na allwch deithio oherwydd eich cyflwr meddygol, cysylltwch â Capita cyn gynted â phosibl. Yna bydd ein Gweithwyr Gofal Iechyd Proffesiynol yn ystyried yr holl wybodaeth sydd ar gael. Mae'n debygol y byddwn yn gofyn i chi am wybodaeth ategol, gan gynnwys cadarnhad gan weithiwr meddygol proffesiynol sy'n eich trin.

      Efallai y gallwn gynnig tacsi rhagdaledig i'r Ganolfan Asesu neu ddarparu asesiad dros y ffôn fel dewis arall.

      Sut ydw i'n gofyn i gael recordiad sain o’r asesiad?

      Byddwn yn darparu ar gyfer ceisiadau i recordio sain asesiadau lle bo hynny'n bosibl ac yn darparu'r offer i wneud hyn. Fodd bynnag, mae'n rhaid i chi wneud cais am recordiad sain cyn i'r asesiad ddigwydd.

      Os hoffech i sain eich asesiad gael ei recordio, ffoniwch ein llinell Ymholiadau ar 0800 072 0226. Mae ein llinellau ar agor o ddydd Llun i ddydd Gwener 8am i 8pm, a dydd Sadwrn rhwng 9am a 5pm. Gwnewch eich cais cyn gynted â phosibl fel ei fod yn rhan o'r broses trefnu apwyntiadau.

      Gallwch ddod o hyd i ragor o wybodaeth, gan gynnwys esboniad o bolisi'r Adran Gwaith a Phensiynau am recordiad sain Asesiadau Gallu i Weithio, ar wefan y Llywodraeth.

      Rydw i'n defnyddio cadair olwyn. A yw'r Ganolfan Asesu yn hygyrch?

      Rhowch wybod i ni cyn gynted â phosibl os ydych yn defnyddio cadair olwyn neu os oes gennych broblemau symudedd sylweddol eraill drwy ffonio ein llinell Ymholiadau ar 0800 072 0226. Rydym am sicrhau y gallwn eich anfon i Ganolfan Asesu y gallwch gael mynediad iddi. Os nad yw hyn yn bosibl, efallai y byddwn yn gallu cynnal eich asesiad dros y ffôn.

      A gaf i ddod â fy nghi cymorth i'r ganolfan asesu gyda mi?

      Oes, gallwch ddod â chŵn cymorth neu anifeiliaid gwasanaeth eraill gyda chi.

      Ni allaf gyrraedd y Ganolfan Asesu, beth allaf ei wneud?

      Rhowch wybod i ni cyn gynted â phosibl drwy ffonio ein llinell Ymholiadau ar 0800 072 0226. Efallai y byddwn yn gallu trefnu cludiant i chi neu gynnal asesiad ffôn.

      Asesiadau fideo

        Faint o ddata rhyngrwyd y byddaf yn ei ddefnyddio?

        Mae asesiad fideo yn defnyddio tua'r un faint o ddata â Skype neu FaceTime. Os ydych chi'n defnyddio ffôn clyfar neu dabled, cysylltwch â rhwydwaith WiFi diogel cartref neu rwydwaith WiFi diogel arall i osgoi defnyddio'ch lwfans data symudol.

        Cwynion

          Beth os ydw i'n anhapus ynglŷn â phenderfyniad budd-dal yr Adran Gwaith a Phensiynau (DWP)?

          Os ydych chi'n anhapus ynglŷn â'r penderfyniad a wnaed gan y DWP, gallwch ofyn iddynt ailystyried eu penderfyniad. Os ydych am wneud hyn, cysylltwch â'r swyddfa a restrir ar eich llythyr penderfyniad.

          Beth fydd yn digwydd i fy nghwyn am eich gwasanaeth?

          Ein nod yw delio â'ch cwyn yn deg, yn gyson ac mewn modd amserol. Byddwn yn cydnabod eich cwyn o fewn 2 ddiwrnod gwaith.

          Rydym yn anelu at ymateb i'ch cwyn o fewn 20 diwrnod gwaith. Weithiau gall ein hymchwiliad gymryd mwy o amser oherwydd efallai y bydd angen:

          – Cael copi o'r adroddiad neu'r holiadur gan y swyddfa sy'n delio â'ch cais
          – Cael gwybodaeth gan y Gweithiwr Gofal Iechyd Proffesiynol neu weithwyr eraill sy'n ymwneud â’ch cais 

          Os byddwn yn dod o hyd i unrhyw anghywirdebau ar eich adroddiad, byddwn yn rhoi gwybod i’r swyddfa sy'n delio â'ch cais. Yr Adran Gwaith a Phensiynau (DWP) sydd i benderfynu a yw ein canfyddiadau'n newid eu penderfyniad ynghylch eich hawl i fudd-dal.

          Ni all y Gwasanaeth Ymgynghorol Asesiad Iechyd newid penderfyniad y DWP ar eich budd-dal na gofyn am asesiad newydd.

          Beth os nad wyf yn fodlon â'ch ymateb i fy nghwyn?

          Cysylltwch â thîm Cysylltiadau Cwsmeriaid y Gwasanaeth Ymgynghorol Asesiad Iechyd, gan egluro pa rannau o'ch cwyn sydd heb gael sylw sy’n foddhaol i chi. Bydd uwch reolwr yn adolygu'r ymchwiliad i'ch cwyn yn bersonol ac yn cynnal ymchwiliad pellach, os yw'n briodol.

          A allaf fynd â fy nghwyn ymhellach?

          Mae'r Gwasanaeth Ymgynghorol Asesiad Iechyd yn darparu asesiadau ar ran yr Adran Gwaith a Phensiynau (DWP). Os ydych yn parhau i fod yn anfodlon â'r broses gwyno, gallwch gysylltu ag Ymchwiliwr Achosion Annibynnol y DWP

          Health assessment advisory service provided on behalf of Adran Gwaith a Phensiynau