Dyma ddetholiad o gwestiynau cyffredin ac atebion i'ch helpu chi.

 Cliciwch ar gwestiwn i weld yr ateb:

Cwestiynau cyffredinol Asesiad wyneb yn wyneb Asesiadau ffôn Asesiadau fideo

Gwybodaeth Gyffredinol

    Pam nad ydw i wedi cael gwahoddiad i asesiad?

    Weithiau gallwn gwblhau eich asesiad gan ddefnyddio'r wybodaeth yn eich ffurflen 'Sut mae eich anabledd yn effeithio arnoch chi' ac unrhyw wybodaeth ategol a anfonwyd at yr Adran Gwaith a Phensiynau. Os gallwn wneud hyn, ni fydd angen i ni eich gwahodd am asesiad.

    Beth os oes gen i salwch terfynol?

    Mae gennym dîm arbenigol sy'n prosesu hawliadau salwch terfynol ac ni fydd angen i chi gael asesiad. Bydd eich cais hefyd yn cael ei drin yn gyflym, fel arfer o fewn 2 ddiwrnod. Os oes gennych DS1500, cyflwynwch hwn gyda'ch ffurflen gais.

    A gaf i newid y ffordd y mae fy asesiad yn cael ei gynnal?

    Os byddai'n well gennych gael eich asesu mewn ffordd wahanol, cysylltwch â ni cyn gynted â phosibl fel y gallwn drafod hyn gyda chi.

    Beth os oes gennyf anghenion cyfathrebu ychwanegol e.e. anawsterau clyw neu angen cyfieithydd?

    Os oes angen cyfieithydd iaith neu ddehonglydd Iaith Arwyddion Prydain arnoch, cysylltwch â ni ar unwaith fel y gallwn drefnu hyn i chi.

    Gyda phwy alla i siarad os oes angen cymorth arnaf drwy gydol y broses PIP?

    Os oes gennych unrhyw gwestiynau neu bryderon am eich apwyntiad neu'r asesiad, cysylltwch â ni. Mae yna hefyd lawer o sefydliadau a all eich helpu a'ch cefnogi ar hyd y ffordd, fel Cyngor ar Bopeth neu elusennau sy'n delio â chyflyrau penodol.

    A fydd gofyn i mi ddarparu fy manylion banc dros y ffôn o gwbl?

    Ni fyddwn byth yn eich ffonio’n annisgwyl ac yn gofyn am eich manylion banc. Os gofynnir i chi ddarparu eich manylion banc dros y ffôn a bod gennych unrhyw bryderon, diffoddwch yr alwad a chysylltwch â ni cyn gynted â phosibl.

    A allaf gael copi o'r adroddiad asesu?

    Bydd eich adroddiad asesu yn cael ei anfon at yr Adran Gwaith a Phensiynau cyn gynted â phosibl ar ôl eich asesiad a gallwch ofyn am gopi ganddyn nhw.

    Sut ydw i'n gwybod os ydw i’n gymwys i gael PIP?

    Bydd yr Adran Gwaith a Phensiynau yn anfon llythyr atoch unwaith y byddant wedi gwneud penderfyniad ar eich cais.

    Beth allaf ei wneud os nad wyf yn cytuno â'r penderfyniad?

    Gallwch ofyn i'ch achos gael ei ailystyried. Bydd manylion am sut i wneud hyn yn eich llythyr penderfyniad gan y DWP.

    Beth allaf ei wneud os nad wyf yn hapus â'r ffordd y cafodd fy asesiad ei gynnal?

    Rydym yn gyfrifol am drefnu a chynnal asesiadau wyneb yn wyneb, ffôn a fideo. Cysylltwch â ni os ydych yn anhapus gydag unrhyw ran o'n gwasanaeth. Mae hyn yn ein helpu i ddeall beth rydym yn ei wneud yn dda a lle mae angen i ni wneud pethau'n well.

    Pwy fydd yn cynnal fy asesiad?

    Bydd eich asesiad yn cael ei gynnal gan un o'n haseswyr ymarferol. Mae ein holl aseswyr ymarferol yn nyrsys, therapyddion galwedigaethol, ffisiotherapyddion neu barafeddygon cwbl gymwys a chofrestredig.

    A fydd y gweithiwr iechyd proffesiynol yn gwybod unrhyw beth am fy nghyflwr neu fy anabledd?

    Mae ein gweithwyr iechyd proffesiynol yn dod o amrywiaeth o gefndiroedd ac maent wedi'u hyfforddi'n arbennig wrth gynnal asesiadau ymarferol. Maent yno i asesu sut mae eich cyflwr iechyd neu anabledd yn effeithio arnoch chi ac mae ganddynt wybodaeth am ystod eang o gyflyrau iechyd ac anableddau.

    A fydd y gweithiwr iechyd proffesiynol eisoes wedi gweld a darllen gwybodaeth amdanaf?

    Bydd y gweithiwr iechyd ymarferol wedi gweld eich ffurflen ‘Sut mae eich anabledd yn effeithio arnoch chi’ ac unrhyw wybodaeth ategol a anfonwyd gennych fel rhan o’ch cais.

    Fodd bynnag, mewn rhai achosion lle mae’r gweithiwr iechyd proffesiynol yn cael asesiad byr-rybudd, efallai y byddent yn edrych arno ychydig yn hwyrach. 

    Beth ddylwn i ei wneud os oes gennyf dystiolaeth ychwanegol?

    Os oes gennych dystiolaeth ychwanegol nad ydych eisoes wedi'i chyflwyno, trafodwch hyn gyda'r gweithiwr ymarferol. Byddant yn gofyn i chi anfon hwn at yr Adran Gwaith a Phensiynau ar ôl eich asesiad.

    Rydw i'n cael dyddiau da a drwg. A fydd hyn yn cael ei ystyried?

    Bydd y gweithiwr iechyd proffesiynol yn gofyn cwestiynau i chi i ddeall a yw eich cyflwr yn newid a sut mae hyn yn effeithio arnoch chi.

    Asesiadau wyneb yn wyneb

      A allaf gael apwyntiad cartref yn lle dod i ganolfan asesu?

      Ar hyn o bryd, rydym ond yn cynnal asesiadau wyneb yn wyneb yn ein canolfannau asesu. 

      Rwy'n poeni am deithio ar drafnidiaeth gyhoeddus i fynychu apwyntiad wyneb yn wyneb. Beth ddylwn i ei wneud?

      Os oes gennych unrhyw bryderon ynghylch teithio i'r ganolfan asesu, cysylltwch â ni ar unwaith. Mae hyn er mwyn i ni allu trafod pa gefnogaeth sydd ar gael.

      Os byddaf yn cyrraedd yn gynnar ar gyfer fy asesiad, a fydd yn rhaid i mi aros y tu allan i'r ganolfan asesu?

      Er mwyn lleihau'r amser y bydd yn rhaid i chi aros, rydym yn eich annog i beidio â chyrraedd mwy na 10 munud cyn i'ch apwyntiad ddechrau.

      A fydd lifft yna?

      Mae ein holl ganolfannau asesu yn hygyrch. Os nad yw'r ystafell asesu ar y llawr gwaelod, bydd lifft ar gael.

      A fydd toiledau ar gael?

      Bydd, bydd toiledau anabl ar gael, ond ni allwn eich helpu i ddefnyddio'r rhain.

      Rwy'n benodai; a allaf fynychu'r asesiad wyneb yn wyneb ar ran yr hawliwr?

      Na, ni all penodai fynychu asesiad wyneb yn wyneb heb yr hawliwr.

      Sut ydw i’n gwybod mai’r gweithiwr iechyd proffesiynol yw pwy maen nhw’n dweud ydyn nhw?

      Os oes gennych unrhyw bryderon nad y gweithiwr iechyd proffesiynol yw pwy maen nhw’n dweud ydyn nhw, rhowch orau i’r alwad a cysylltwch â Capita.

      Asesiadau fideo

        Ydw i'n dal yn gallu cael penodai?

        Ydych. Os oes gennych benodai, rhaid iddynt ymuno â'r asesiad. Os na allwch fod gyda nhw'n personol, gallwn eich ychwanegu at yr asesiad fideo. Rhaid i chi a'ch penodai fod yn bresennol i'r asesiad fideo fynd yn ei flaen.

        A allaf recordio fy asesiad?

        Ni chaniateir i chi recordio eich asesiad fideo na'r asesydd ymarferol. Ni allwn ni recordio'r asesiad fideo ’chwaith.

        Health assessment advisory service provided on behalf of Adran Gwaith a Phensiynau