Cyngor gam wrth gam yn arwain i fyny at, yn ystod ac ar ôl eich asesiad fideo gallu i weithio Credyd Cynhwysol
Bydd y sawl sy’n gwneud cais am Gredyd Cynhwysol (UC) yn derbyn holiadur gallu i weithio o bosib, a elwir hefyd yn ffurflen UC50. Llenwch y ffurflen mor llawn â phosibl, gan ateb yr holl gwestiynau. Mae’n bwysig eich bod yn dychwelyd y ffurflen erbyn y dyddiad ar y llythyr a anfonir atoch. Byddwn yn defnyddio'r wybodaeth a roddwch ar y ffurflen i benderfynu pa fath o asesiad y gallech fod ei angen.
Gallwch hefyd lawrlwytho'r ffurflen UC50 i'ch cyfrifiadur. Os ydych chi'n defnyddio'r ffurflen ar-lein, llenwch y ffurflen, ei hargraffu, ei llofnodi ac yna ei hanfon atom.
Os oes angen help arnoch i lenwi'r ffurflen, gallwch nawr siarad â chynghorydd pwrpasol ar ein llinell gymorth trwy ffonio 0800 072 0226.
Trefniadau apwyntiad
Byddwn yn anfon llythyr gyda'ch dyddiad asesu. Bydd gan eich llythyr apwyntiad rif cyswllt a gwybodaeth am yr asesiad, gan gynnwys cyfarwyddiadau i’ch Canolfan Asesu. Darllenwch y llythyr hwn cyn eich asesiad.
Os oes angen help arnoch cyn eich asesiad, ffoniwch ein tîm Ymholiadau Cwsmeriaid ar 0800 072 0226.
Cyfieithwyr
Rhowch wybod i ni o leiaf ddau ddiwrnod cyn eich asesiad os oes angen cyfieithydd arnoch ar gyfer eich asesiad. Bydd hyn yn helpu i sicrhau y gallwn gael cyfieithydd i chi.
Tystiolaeth bellach
Mae angen i ni hefyd weld unrhyw dystiolaeth feddygol neu wybodaeth arall sydd gennych eisoes, megis adroddiadau, cynlluniau gofal neu driniaeth amdanoch gan feddygon teulu, meddygon ysbyty, nyrsys arbenigol, nyrsys seiciatryddol cymunedol, therapyddion galwedigaethol, ffisiotherapyddion, gweithwyr cymdeithasol, gweithwyr cymorth, tîm cymorth anabledd dysgu, cwnselwyr neu ofalwyr.
Mae angen i ni hefyd weld unrhyw dystiolaeth feddygol neu wybodaeth arall sydd gennych eisoes megis:
Pethau yr hoffai'r Gwasanaeth Ymgynghorol Asesiad Iechyd eu gweld os oes gennych chi rai eisoes. | Mae'r pethau nad oes angen i'r Gwasanaeth Ymgynghorol Asesiad Iechyd eu gweld yn cynnwys gwybodaeth gyffredinol am eich cyflyrau meddygol nad ydynt yn ymwneud â chi'n bersonol. |
|---|---|
|
|
Efallai y gofynnir i chi am fanylion y gweithwyr proffesiynol neu'r gofalwyr sy'n gwybod fwyaf am eich cyflyrau iechyd, salwch ac anableddau.
Cofiwch – anfonwch gopïau o wybodaeth feddygol neu wybodaeth arall atom os oes gennych chi nhw eisoes yn unig. Peidiwch â gofyn na thalu am wybodaeth newydd nac anfon dogfennau gwreiddiol atom. Ysgrifennwch eich rhif Yswiriant Gwladol ar bob darn o wybodaeth a anfonwch atom.
Os nad ydych wedi derbyn ffurflen UC50 eto, gallai fod yn haws i chi os byddwch yn dechrau casglu peth o'ch gwybodaeth feddygol ymlaen llaw. Mae'r ffurflen hon yn ein galluogi i benderfynu a fydd angen asesiad arnoch.
Cyn gynted ag y byddwch wedi cwblhau'r ffurflen, mae angen i chi ei llofnodi a'i dyddio, a'i dychwelyd yn yr amlen a ddarparwyd gennym. Mae'n bwysig eich bod yn dychwelyd y ffurflen cyn y dyddiad y mae’n ddyledus. Efallai na fydd yr Adran Gwaith a Phensiynau yn gallu parhau i dalu budd-daliadau i chi os na fyddwn yn derbyn y ffurflen hon mewn pryd.
Os na allwch ddychwelyd y ffurflen mewn pryd, rhowch wybod i ni cyn gynted â phosibl. Mae yna hefyd flwch sy'n galluogi i chi esbonio pam roedd eich ffurflen yn hwyr. Os oes gennych unrhyw bryderon o gwbl am y ffurflen, mae’n bwysig eich bod yn cysylltwch â ni cyn gynted ag y gallwch neu gofynnwch i gynrychiolydd cysylltwch â ni.
Beth sy'n digwydd gyda'ch cefnogaeth cyn eich asesiad
Tra byddwch yn aros i'ch asesiad gael ei gwblhau, byddwch yn derbyn cyfradd safonol Credyd Cynhwysol a bydd angen i chi barhau i fynychu'r Ganolfan Waith fel y cytunwyd gyda'ch Hyfforddwr Gwaith. Gallwch ddod o hyd i fwy o wybodaeth am Gredyd Cynhwysol ar wefan gov.uk.
Beth sydd ei angen arnoch ar gyfer eich asesiad
Cyfrifiadur bwrdd gwaith, gliniadur, llechen, neu ffôn symudol sydd â chamera sy'n wynebu'r blaen, seinyddion, a meicroffon
Cysylltiad rhyngrwyd sefydlog, da. Os gallwch wylio fideo ar-lein heb unrhyw broblemau, dylai eich cysylltiad rhyngrwyd fod yn addas ar gyfer asesiad fideo
Ardal breifat, wedi'i goleuo'n dda lle na fydd tarfu arnoch
Un o'r porwyr hyn:
Safari (cyfrifiadur Apple, iPad neu iPhone)
Google Chrome (cyfrifiadur Windows neu dabbled/ffôn clyfar Android)
Microsoft Edge (cyfrifiadur Windows)
Mwy o wybodaeth am yr hyn y bydd ei angen arnoch ar gyfer eich asesiad fideo.
Os ydych chi'n defnyddio ffôn symudol Samsung ar gyfer eich asesiad fideo, efallai y bydd gennych broblem gyda'ch porwr. Os gwelwch y sgrin gwall, copïwch a gludwch y ddolen i'r ystafell aros i mewn i Google Chrome. Os nad oes gennych Google Chrome eisoes, gallwch glicio yma i’w lawrlwytho. Gallech hefyd geisio defnyddio dyfais wahanol, os oes gennych un.
Os nad oes gennych un neu fwy o'r uchod, neu os yw eich cyflwr iechyd neu anabledd yn golygu na allwch gymryd rhan mewn asesiad fideo, cysylltwch â ni ar unwaith. Mae hyn er mwyn i ni allu trafod y ffordd orau o gynnal eich asesiad.
Gwiriwch fod eich dyfais wedi'i gosod yn gywir
Mae'n ddefnyddiol gwirio bod eich dyfais wedi'i gosod yn gywir cyn eich asesiad fideo.
Os yw'ch dyfais wedi'i gosod yn gywir, fe welwch sgrin gyda’r neges 'Rydych chi'n barod i wneud galwadau'.
Os byddwn yn sylwi nad yw rhywbeth yn hollol iawn, efallai y gwelwch y sgrin ‘Testing in progress’.
Mae hyn fel arfer yn hawdd i'w ddatrys. Mwy o wybodaeth ar sut i gael eich dyfais yn barod ar gyfer eich asesiad fideo.
Bydd y Gweithiwr Gofal Iechyd Proffesiynol yn cyflwyno ei hun ac yn esbonio'r asesiad i chi. Byddant yn cofnodi gwybodaeth ar gyfrifiadur. Efallai na fydd rhai cwestiynau'n ymwneud yn uniongyrchol â'ch cyflwr meddygol, ond â gweithgareddau dyddiol. Bydd yr asesiad yn para rhwng 20 munud ac 1 awr yn dibynnu ar eich cyflwr iechyd neu’ch anabledd.
Beth i ddod gyda chi i'r asesiad:
- Unrhyw feddyginiaeth
- Unrhyw wybodaeth gan eich Meddyg Teulu neu Arbenigwr sy'n esbonio sut mae'ch cyflwr yn effeithio arnoch chi
Gall y cwestiynau asesu gynnwys:
- Pryd ddechreuodd eich salwch neu anabledd
- Sut mae'ch cyflwr yn newid o ddydd i ddydd
- Sut mae'n effeithio ar eich bywyd bob dydd
- Sut mae'n effeithio ar eich hwyliau a'r ffordd rydych chi'n ymddwyn
- Sut rydych chi'n ymdopi â phethau o ddydd i ddydd
Bydd yr asesydd Ymarferol yn cofnodi gwybodaeth am eich poen, blinder a'r feddyginiaeth rydych chi'n ei chymryd.
Rydym yn darparu Adroddiad Asesiad i'r DWP sy'n ddiduedd ac yn darparu cyngor meddygol wedi’i gyfiawnhau ynghylch sut mae eich cyflwr meddygol yn effeithio arnoch ar hyn o bryd. Mae hyn yn dilyn deddfwriaeth y llywodraeth a'r prosesau y cytunwyd arnynt gan DWP.
Cydymaith yn ystod eich asesiad
Mae croeso i chi ddod â pherthynas, gofalwr neu ffrind gyda chi. Er y bydd yr asesiad yn canolbwyntio arnoch chi, gall cydymaith gynnig cymorth defnyddiol i chi.
Cymryd nodiadau
Mae croeso i chi neu'ch cydymaith gymryd nodiadau at eich defnydd personol. Ni fydd eich nodiadau yn rhan o'r adroddiad meddygol a anfonwn at yr Adran Gwaith a Phensiynau (DWP).
Y gweithiwr gofal iechyd proffesiynol
Mae ein Gweithwyr Gofal Iechyd Proffesiynol yn feddygon, nyrsys a ffisiotherapyddion sydd wedi'u cofrestru gyda'u corff llywodraethu. Mae'r rhain yn cynnwys:
- Y Cyngor Meddygol Cyffredinol
- Y Cyngor Nyrsio a Bydwreigiaeth
- Y Cyngor Proffesiynau Gofal Iechyd.
Mae ein Gweithwyr Gofal Iechyd Proffesiynol yn mynd trwy gwrs hyfforddi a ddyluniwyd yn benodol, a gymeradwywyd gan y DWP ar ran yr Ysgrifennydd Gwladol.
Ar ôl eich asesiad mae ein Gweithiwr Gofal Iechyd Proffesiynol yn cwblhau adroddiad gan ddefnyddio meini prawf a nodwyd gan yr Adran Gwaith a Phensiynau (DWP). Mae hyn er mwyn rhoi barn feddygol ddiduedd, wedi’i chyfiawnhau i Wneuthurwr Penderfyniadau’r DWP ynghylch sut mae eich cyflwr meddygol yn effeithio arnoch chi.
Bydd yr Adroddiad Asesu yn disgrifio'ch cyflyrau meddygol a'r gweithgareddau rydych chi'n eu gwneud mewn diwrnod arferol. The report is one piece of information DWP uses in deciding your entitlement. Mae'r adroddiad yn un darn o wybodaeth a ddefnyddir gan y DWP wrth benderfynu ar eich cais. Nid yw’r Gweithiwr Gofal Iechyd Proffesiynol sy’n gwneud eich asesiad yn gwneud unrhyw benderfyniad am eich lwfans, eich budd-daliadau na’ch credydau. Ni fydd y Gweithiwr Gofal Iechyd Proffesiynol yn gwybod canlyniad eich cais.
Gallwch ofyn am gopi o'r adroddiad llawn gan swyddfa'r DWP sy'n ymdrin â'ch cais.
Penderfyniadau ar geisiadau
Bydd y DWP yn rhoi gwybod i chi am ganlyniad eich cais.
Mae’r DWP yn gwneud penderfyniadau ar geisiadau. Dylech gyfeirio unrhyw gwestiynau neu bryderon am ganlyniad eich cais i swyddfa’r DWP sy’n ymdrin â’ch cais. Byddant yn gwybod pa wybodaeth y maent wedi’i defnyddio i benderfynu ar eich hawl. Ni fydd y Gwasanaeth Ymgynghorol Asesiad Iechyd yn ymwybodol o hyn. Nid ydym yn cymryd rhan yn y broses benderfynu.
